Haka jinglehkmen bad pdiang Burom ia u snem thymmai haka 1 tarik January 2026 ka Seng Samla Khlachympa Sports and Cultural Club ha ryngkat ki nongshong-shnong jong ka Nongtalang Khlachympa Locality hi baroh kawei kila ia bamdon lang bad hadien kata, haka por 8 p.m. ka don ka dancing bad singing competition bad ka jingai sngewbha ia ki ar ngut ki nongtrei mon sngewbha ka fair-price shop jong ka Nongtalang Khlachympa, nangta kaba pyniphuh iphieng shuh shuh ia kane ka jinglehkmen ka dei ka jingiaknieh nam Miss Nongtalang Khlachympa 2026.
Ia kane ka pansngiat la ioh ban phong da ka Miss Edamerable Lyngdohgiri, ia ka 1st. runner-up la ioh ban phong da ka Miss Fidalia Lyngdoh talang, bad ia ka 2nd. runner-up la ioh ban phong da ka Miss Emidakajuh Pohsnem.
Ha kane ka jinglehkmen la wan ban pynshngain̈ da u ma Lahkmen Rymbui uba dei Local MLA ka thaiñ bad myntri ka sorkar jylla kum juh ruh u dei u nongshong-shnong ba pura ka Nongtalang Khlachympa Locality bad kum juh ruh la ia don lang u Jamshaphrang Pohtam u local MDC ka war-central constituency, u Dr. Return Pohsnem Deputy Director Health Services(ADMIN) Directorate of Health Services (MI), u Dr. Duniya Pohsnem i/c Nongtalang CHC, u Dr. Overfillme Suliang Nongtalang CHC bad kiwei kiwei de ki riew pawkhmat ka dong Nongtalang Khlachympa.
Na ka liang ki nongpyniaid jong ka Club ki kyrmen ba u snem thymmai un long u snem ka jingkyrkhu ia baroh lang ha baroh ki liang bad ai khublei snem thymmai Basuk Bakmen ia baroh lang.
