Mynta ka sngi ka Seng Saiñ hima sima jong ka National Peoples’ Party (NPP) kala pdiang sngewbha ia u ma Nehlang Lyngdoh sha ka sem jong ka ha ryngkat kiwei de kiba la wan ban pyniasoh ialade sha kane ka party.
Kum ban shu pynkynmaw ba u ma Nehlang Lyngdoh udei u nongmihkhmat paidbah (MLA) barim jong ka Rymbai Constituency kaba la tip mynta kum ka Khliehriat Constituency uba la jop na ka party Indian National Congress (INC) la ar samoi. Mynta ka kynti la sngewthuh ba u ma Nehlang un sa ia ai reng biang ha ka elekshon MLA ka ban sa long ha u 2023 na katei ka juh ka Constituency.
Ia u ma Nehlang Lyngdoh la pdiang sngewbha da u National President ka party u Congrad K Sangma, u National Vice President ka party u bah Prestone Tynsong, u ma Sniawbhalang Dhar bad kiwei de ki heh jong ka party NPP ha ka jingialang kaba la pynlong ha ophis treikam ka party ha nongbah Shillong.
Na ka liang u Conrad Sangma uba dei ruh u Myntri Rangbah ka jylla u la ong ba ka jingwan rung jong u ma Nehlang sha ka party kan sa nang pynkhlain shuh shuh ia ka party bad da ka jingiatrei ryngkat ryngkat yn sa lah ban ai ai ka jingshakri kaba bha ia ka jylla bad ia ki nongshong shnong jong ka hapoh ka jingialam jong ka party.
