Hadien 13 sngi ba la kut ka jingtohkit Judicial Custody jong ka Sonam Raghuvanshi bad u Raj Khushwaha. Ka ïingbishar mynta ka sngi ka 4 tarik Naitung ka la shong bishar biang ia ka mokotduma jong kine ki ar ngut, lyngba ka Video Conferencing.
Ha kane kynti ruh sa shisien ka ïingbishar ka la phah biang sa 14 sngi sha Judicial Custody ia ka Sonam Raghuvanshi bad u Raj Khushwaha na ka bynta ban pynlong shuh shuh ia ka jingtohkit ia ki baroh ar ngut halor ka jingdonkti jong ki ha ka ban pyniap dusmon ia u (L) Raja Raghuvanshi.
Ia kane ka jingshim bishar ba la pynlong mynta ka sngi la pyntip da u Assistant Public Prosecutor u Tushar Chanda.
Na ka liang ki Magistrate ki la ailad ban kren ia ka Sonam bad u Raj bad na ka liang jong ki la kyntait ban kren ei ei bad kim kwah kren ei ei ia mynta.
