Ka Bhartiya Janata Party (BJP) Meghalaya hynne ka sngi ka 24 tarik Ïaiong ka la pynlong ia ka jingialang sngewlem ha ka Ophis treikam jong ka Seng ia ka jingkhlad noh u Kpa Bakhuid jong ka Balang Katholik u Pope Francis.
Ha kane ka sngi ba pynlong ia ka jingialang duwai la lamkhmat da u President jong ka Seng u Bah Rikman G Momin ha ryngkat ka jingiadonlang u Myntri sorkar jylla u Bah AL Hek.
Kum ka dak jong ka jingburom ïa u Pope Francis ba la khlad noh, ka BJP Meghalaya hapoh ka jingïalam jong u President u Rikman G Momin, ki la pynlong ïa ka jingïalang duwai kyrpang ha Ophis treikam jong ka Seng.
Hadien kata, ka BJP kaba la ïalam da u Myntri sorkar u Bah A. L. Hek, President jong ka BJP Meghalaya Rikman G Momin bad kiwei kiwei ki nongïalam ba rangbah ki la ïakynduh ïa u Archbishop jong ka Shillong Archdiocese, u Victor Lyngdoh hynne ka sngi ban pynpaw ïa ka jingïasnohkti lang bad ki paid riewngeit katholik jong ka Jylla.
