U Deputy Commissioner & Chairman jong ka District Disaster Management Authority, East Jaiñtia Hills District, Khliehriat u S. Awasthi, IAS ula pynmih ia ka hukum mynta ka sngi ba dei ban khang lut ia baroh ki jaka pule naduh ki skul, ki college bad kiwei pat ki jaka ai jinghikai (Educational Institution) kiba don hapoh ka District lashai ka sngi 18 tarik u June 2025.
Ia kane ka hukum la hap ban pynmih hadien ba la ai jingmaham na ka tnad Indian Meteorological Department, kaba pyntip ba kan sa don ka jingjur jong u lapbah lashai ka sngi ha kiba bun ki bynta jong ka District East Jaiñtia Hills, kaba lah ban ktah ia ki jaka pule, la pyntip u DC, Khliehriat.
Kumta khnang ban lait na kino kino ki jingjia ba sngewsih na ka liang u DC ula pynmih ia katei ka hukum ban khang lut ia baroh ki jaka pule hapoh ka District East Jaiñtia Hills lashai ka sngi.