U Working President jong ka KHNAM U Bah Thomas Passah ha ka 20 tarik u la phah ia ka kyrwoh khubor sngewlem bad pynpaw ia ka jingsngewsih kaba khraw halor ka jingkhlad noh u MP ka Shillong u Dr Ricky Andrew J Syngkon.
“Ar snem ka jinglong MP i la kren ia ka khia ka shon jong ka jylla jong ngi , i la wanrah ka jingkyrmen ia ki paidbah ka jylla bad ka jingsngewrit bad ka jingshakri hok jong i , ka la khring ia ka jingieid kiba bun bad ngeit ba u Blei un sa pynkynmaw ha ka Hima jong u. Ka KHNAM ka phah ka khubor sngewlem sha ki bahaïing bahasem bad sha ki nongialam bad sha ka Party VPP baroh kawei kaba la duh noh ia u para nongialam. Ka kyntien briew kim ym lah ban pyntngen lane ban sop ban spain ia ki mynsiem ba la mong hynrei ai ba ki jingpyntngen kan wan na u Blei u Mynsiem Bakhuid,” leit suk Dr Ricky Andrew J Syngkon bam kwar ha duwai u Blei.
