Ka KSU Thangrain Unit bad ki Nongialam shnong kila shim ia ka rai ban pynsangeh noh shipor ia u Contractor uba pyntrei ia kawei ka surok hapoh ka shnong Thangrain na ka daw jong ka jingtrei torti jong u ia ka kam.
Ki nongialam jong ka seng ryngkat ki dkhot bad ki nongialam shnong kila hiar jurip sha ka jaka ba pyntrei ia u surok ba iaid lyngba jong ka shnong, hadien ka jingioh ujor na ki nongshong shnong ba u contract uba pyntrei ia ka tei ka surok u lah trei torti shaba palat, ka seng ka la lap ba ka surok kam long shisha kaba biang kumba la bthah ha ka Work-order na ka office, hynrei une u Contractor u shu pyntrei tang dep ia kane ka surok.
Kumta na ka liang jong ka seng bad ki nongialam shnong ki la pynsangeh shisyndon ia kane ka jingtrei lada kim trei hok ha ka rukom ba dei ban trei bad ka seng ka maham jur ruh ia u contract uba dei ban pyntrei ia katei ka surok lada um shim khia ia kane ka seng kan shim da kawei pat ka rai.
