Ka Seiñraij Jowai ryngkat bad ka Seiñraij Cham Cham halor ka thong ban pynskhem ia ka jinglong kyrpang ka jaitbriew Ñiewtrep Ñiewskum ha ka sngi 23 bad 24 tarik, Nohprah kila pynlong ia ka Dorbar Ñiamtre ha Madan Ball Cham Cham.
Ha ka sngi nyngkong jong kane ka Dorbar Ñiamtre la don ka jingplie ia ki maw sahnam (Moopynyien) kiba la shna kyrpang ban sha kynmaw ia ka Dorbar Niamtre kaba 18 ka Ri 12 Dolloi-30 Syiem ha shnong Cham Cham da u ma O.H. Toi, President Seinraij Jowai ha ka jingiadonlang ki riew rangbah ka Seinraij Cham Cham kumjuh ruh ki khun samla kiba mihkhmat na ki shnong ki raij bapher bapher katba ha ka janmiet pat la don ka prokram kyrpang ia ki khun samla hapoh ka jingpyniaid ka Khynroo Khyllood Comittee jiong ka Seinraij Jowai.
Ha ka sngi babud pat jong kane ka Dorbar Ñiamtre kaba la pynlong ha madan Bol Cham Cham ki khun ka ñiamtre na kylleng ki shnong ki raij kila wan ban iadon bynta lang ryngkat ka riam ka beit kaba iphuh iphieng ha kaba u Pator ka Raij Jowai, u Raymond Nartiang u la long u shongknor uba la ai ia ki kyntien lam khmat haka jingiadei bad kane ka Dorbar Ñiamtre, katba u Soimon Phawa kum uwei na ki rangbah ka Seinraij Cham Cham u la ai ia ki kyntien nguh blei,
Ha kane ka Dorbar Niamtre ka phang kaba kren bad pynsngew ka long “I kamram ki khon ka Niamtre neibynta ka Mynried” kiba la kren da u Harwis Phawa, President Seinraij Tuber, “ka Jaitbynriew ba la pynkyrpang ha ryngkat bad ka Niam” la kren da u Rangbah Kynpham Sing Nongkynrih, Seng Khasi Kmie Ṁawkhar bad “Ka Niamtre ka Niam Tipbru Tipblai” la kren bad pynsngew da u Pa Dolloi ka Elaka Jowai Waheh Puramon Kynjin.
Khatduh shwa ban poi sha ki bynta kaba khatduh jong kane ka Dorbar, ka Khlung Dkhar, Secretary Sein Kynthai Seinraij Tuber kala ai ia ki kyntien kitbok katba woh Dimit Dkhar uwei na kiba la heh ka rta hapoh ka shnong Cham Cham kum ka dak ban pynkut ia kane ka Dorbar Niamtre u la pynhiar ia ka lama.
