Ka Jaiñtia Student Union (JSU) hadien ba lah dep ai da ka jingthoh ha u bnai ba la dep ba ka seng ka la leit peit syndon bad wad bniah ïaka ïing buh khaw jong ka sorkar ka Meghalaya State Warehousing Corporation (MSWC) haka shnong Mihmyntdu West Jaiñtia Hills kaba don hajan Jowai bad ka seng ka la lap dala ki jong ki khmat ba kane ka jaka la pynlong pynban ïaka daka jaka buh tiar shna ïing jong kawei ka Hardware u bar jylla kaba don ha Mihmyntdu.
Ka seng kala lap ruh la don ka kot thoh soskular hapdeng u Managing Director ka MSWC bad kane Hardware kaba pyndonkam ïa kane ka jaka bad lah siew bai bnai ban pyndonkam ïa kane ka jaka.
Na liang ka seng ka dawa na ka MSWC ba kan ai jingpynshai ïa kane ka soskular khlem da pyntip paitbah lane khot da ka tender ban ai wai ïa kane ka ïing ban buh khaw ha Mihmyntdu bad ka seng ka dawa ruh na ka sorkar bad na ka MSWC ba dei ban buh daki mar rep ban pynsuk ïa ki nongrep ban buh ïaki mar rep jong ki, pynkut ka kyrwoh ba la phah da ka seng.