Ka prokram iatreilang jong ka Bio-Resource Development Centre jong ka Planning Department, Government of Meghalaya, ka Energy Resource Institute, New Delhi bad ka Meghalaya Basin Development Agency mynta ka sngi kila ioh ban plie ia ka Holistic Wellness Centre bad pyllait paidbah ia ka Meghalaya Traditional Knowledge Portal ryngkat ka jingpyllait ia ka kot ba dang pynkhreh ka “Meghalaya Traditional Knowledge: Supporting Document for Course Curriculum in Schools” da i Dr. M. Ampareen Lyngdoh iba dei i Myntri sorkar Jylla ba dei peit ia ka tnat ka koit ka khiah bad ka Family Welfare bad kiwei, ha BRDC Experimental Farm kaba don ha Laitmynsaw, Upper Shillong.
Ha kane ka prokram la iadon lang u Principal Secretary to the Government of Meghalaya, jong ka Health & Family Welfare Department, u Sampath Kumar, IAS. Dr. Joram Beda, IAS, Commissioner & Secretary to the Govt. of Meghalaya, Health and Family Welfare& Director, AYUSH, u Gunanka D.B., IFS, Jt. Secretary to the Govt. of Meghalaya, Planning Dept. & Member Secretary, Bio-Resource Development Centre, Dr. Dipankar Saharia, Senior Director, TERI, New Delhi bad Dr. Kiran Sreedharan, Deputy General Manager Santhigiri Ashram, New Delhi Zonal Office, nalor kiwei de.
Ka jingtei ia ka “Holistic Wellness Centre & Skill development Institute for Traditional Healers and Youths of Meghalaya” la bei tyngka da ka Ministry of Tribal Affairs katkum ka Article -275(1). Ia kane ka Centre la tei katkum ki jingstad ka juk mynta ia kaba la tip kum ka Green Technologies kaba la sdang da ka State Council of Science, Technology & Environment, Meghalaya.
Ka jingthmu jong kane ka projek ka long ban pynneh pynsah bad iada ia ka jingstad tynrai ne kata ka “Preservation and Protection of Traditional Knowledge-Documentation Initiatives in North East India” kaba la bei tyngka da ka NEC, Ministry of DoNER, Govt. of India hapoh ka skhim NEC (MH-2552).
Ia ka kot (Draft Book) yn sa aiti ha ka ophis Directorate of Education, Research & Training, Govt. of Meghalaya khnang ba yn ioh ban pynrung ia ka ha ki skul.