Ka Myntri Sorkar pdeng jong ka sorkar india ba dei peit ia ka tnad pla tyngka ka Nirmala Sitharaman hynne ka sngi ka 10 tarik Naitung ka la plie paidbah ia ka Shopping Complex kaba don ha Polo.
Ha kane ka sngi ba plie pyrda ia kane ka Market Shopping Complex ha polo la ia don lang naduh u Myntri Rangbah ka Sorkar jylla u Conrad K Sangma, u Symbud Myntri Rangbah u Ma Sniawbhalang Dhar, ka Myntri sorkar jylla ka Dr Mazel Ampareen Lyngdoh bad ki ophisar sorkar jylla.
Haba kren ha kane ka sngi na ka liang U myntri Rangbah ka Sorkar jylla u Conrad K Sangma u pdiang sngewbha ia ka Myntri ka tnad pla tyngka ka sorkar pdeng ka Nirmala Sitharaman sha Shillong ha kine ki 3 sngi.
Shuh shuh u la ong ka Nirmala Sitharaman kan plie paidbah ia ki project bapher bapher ha kine ki 3 sngi ki jingwan jong ka sha shillong.
U la bynrap ba u ju iatreilang bad ka Nirmala Sitharaman la bun bun snem bad ka dei ka Myntri kaba sngewrit, kaba shimkhia bha haba iadei bad ka jylla Meghalaya bad ka North East baroh kawei, bad ka long ka Myntri kaba iajan bad ki paidbah ka thain Northeast.
U la pyntip ruh haba iadei bad kino kino ki project na ka bynta ka jylla Meghalaya ka myntri kam ju ong em na ka bynta ki kam pynroi ha ka jylla.
