Ha ka sienjam kaba kongsan ban wanrah ia ka jingtrei kam kaba khuid ba suba bad
ruh kumno ban ioh ia ka jingsumar kaba donkam, ka Meghalayan Medical Drugs and Services Limited
(MMDSL) ka la pynmih ia ka Facility Stock Dashboard. Lyngba kane ka Dashboard ki paidbah kin lah ban tip lut ia ka jingdon ki dawai ha kylleng ki jaka sumar sorkar ba don ha ka jylla Meghalaya.
Ia ka Facility Stock Dashboard la shna ha kata ka rukom ba ki paidbah kin tip lut ia ka jigndon ki dawai ha ki jaka buh dawai ha ki jaka sumar bapher bapher, ban pynthikna ia ka jingpynkhreh kaba kham bha bad ban ioh ia ki dawai kiba donkam bad kham kongsan.
Ki bynta ba kongsan jong kane ka Dashboard, ki long ki jingpyntip kumba ka long : Ka dashboard kan pyni ïa ki jingtip baroh kumba ka long na baroh ki jaka
sumar ha ka jylla.
Kaba suk ban peit ia kine ki jingtip : Ki paidbah ba kwah ban peit ki lah ban jied da kaba suk ia ka distrik
bad ka jaka sumar jong ki ban ioh ia ki jingtip ba bniah shaphang ki dawai kiba lah ban ioh.
Ka jingtreikam kaba shai: Kane ka jingthmu ka pynskhem ia ka thong treikam jong ka MMDSL ban don ia
ka jingtreikam kaba khuid kaba shai ha ka liang ka koit ka khiah.
Kumno ban iohi ia ka Dashboard:
- Leit sha ka www.mmdsl.in.
- Peit sha ka bynta jong ka Dashboard.
- Nion ha ka bynta ba thoh Facility Stock Details
- Jied ia ka district bad ka jaka sumar, nangta sa nion ha ka jaka ba thoh Fetch Drug Details.
- Peit ia ki jingtip kiba iadei bad ki dawai kiba lah ban ioh.
Da kane ka sienjam, ka MMDSL ka buh thong ban pynsuk ia ki paidbah ban tip ia ki jingshakri ha ka koit ka khiah kaba ki paidbah ki lah ban ioh, ban pynthikna ba ki dawai ba kongsan kin don beit na bynta jingdonkam ki paidbah.