Ha ka sienjam kaba kongsan kaba thmu ban kyntiew ïa ki jingtei ha ka liang ka synshar khadar ha ka South Garo Hills, u Lat ka Jylla, u Shri C.H. U Vijayashankar, mynta ka sngi ka 24 Tarik Risaw, u la plie ia u Maw Nongrim ban tei ia ka ïing ophis kaba thymmai na ka bynta u Deputy Commissioner, South Garo Hills. Hadien ba la dep ia kane ka projek, kan ym pynbha tang ïa ka rukom synshar ha ka thaiñ hynrei kan ai ruh ïa ki lad ki lynti kiba ha kane ka juk ban pyndap ïa ki jingdonkam ha ka liang ka synshar khadar jong ka distrik.
Haba ai jingkren ha kane ka jingïalang lyngba ka Virtual na Raj Bhavan, Shillong, u Lat u la ïaroh ïa ka jingpyrshang jong ki bor pynïaid distrik bad ka Sorkar Meghalaya ha kaba shim ïa kane ka sienjam kaba ïaid shakhmat ban pynkhlaiñ ïa ki kam shakri paidbah ha South Garo Hills. U la ban jur ia ka jingdonkam ban pynpoi hok ia ki skhim bad ki jingshakri jong ka sorkar sha ki paidbah, khamtam ha ki jaka ba jngai.
U myntri ka tnat pule puthi, u Rakkam A. Sangma, ki MLA u Shri Sengchim N Sangma bad u Shri Kartush R Marak, Deputy Commissioner ka South Garo Hills, kiwei kiwei ki heh sorkar, bad ki dkhot jong ka imlang sahlang ki la wan ban iashim bynta ha kane ka prokram.