Mynta ka sngi u Deputy Commissioner, East Jaintia Hills District, Khliehriat, bah E. Kharmalki, IAS ula plie pyrda ia ka prokram bala pyniaid da ka ophis jong u District Medical and Health Officer, East Jaintia Hills District kaba la tip kum ka “IntensifiedDiarrhoea Control Fortnight (IDCF) 2021” ha MCH Building jong ka Khliehriat CHC.
Haba kren kum u kongsan u hah Kharmalki ula iaroh ia ka jingtrei shitom jong ki nongtrei kane ka tnat ka koit ka khia ban pyntreikam ia ki prokram bapher bapher jong ka sorkar. Ula ong ba ka long kaba donkam haduh katta katta ba ki briew kin long kiba husiar bha ia ka jingkoit jongkhia ka met ka phat jong ki. Ka long ruh kaba donkam ban long kiba kloi ban tip ia kano kano ka jingpang kaba ki don khnang ba yn lah ban pynkoit ia ka jingpang ha ka por kaba biang.
U DC ula ong ba kane ka prokram IntensifiedDiarrhoea Control Fortnight (IDCF) ka long na ka bynta ban ai ka jingiada ia ki khynnah na kane ka jingpang diarrhea. U la ai mynsiem ia baroh ki nongtrei jong ka koit ka khiah kum ki ASHA bad ki nongtrei Anganwadi ba kin nang lah ban trei shitom shuh shuh. Ula kyntu ruh ia ka jingdonkam ban don ka jingiatreilang hapdeng ki paidbah bad ki nongshong shnong khnang ba ki prokram bapher bapher jong ka sorkar kin long kiba seisoh seisla.
I Dr. (Mrs) N. P. Suchiang, DIO I/C, East Jaintia Hills District i la ai ia ka jingkren pdiang. Kiwei de kiba la ai jingkren ki long i kong S. Dkhar, BEE, Khlieriat CHC, Smt. Daphihi Passah, Adolescent Health counselor, Khliehriat CHC bad u Ariston Dhar, District Programme Manager, NHM, East Jaintia Hills District.
