U Lat ka Jylla u Phagu Chauhan ha ka 22 tarik mynta u bnai ula plie pyrda ia ka jingsdang jong ka 7th India International Folk Festival, ha u Soso Tham Auditorium, Shillong .
Haba ai jingkren ha kane ka sngi u Lat ula ai ka jingiaroh ia ki nongpyniaid jong kane ka prokram, ia ka ICCR bad ia ka tnat Arts and Culture jong ka sorkar Jylla kiba la lah ban wanrah ia kane ka prokam ban pynpaw ia ki riti ki dustur ne ki kolshor jong ki ri bapher bapher hangne ha nongbah Shillong. Ula pynpaw ka jingkmen halor ka jinglah jong ki nongwan iashim bynta na ki 7 tylli ki ri jong ka pyrthei kiba kynthup ia ka ri Kazakhstan, Vietnam, Russia, Cyprus, Croatia, Cuba, bad ka Ethiopia.
U kyrmen ba lyngba kane ka prokram yn sah ban nang kyntiew ne pynithuh shuh sha ka pyrthei ia ka jingriewspah jong ki riti dustur jong ki nong Meghalaya ba kynthup ia ki Khasi, Jaintia bad Garo. U la ban ruh ruh halor ka bynta ba dei ban don ia ka mynsiem jong ka jingiasnohkti lang jong ka pyrthei ne kata kaba khot ka “VasudhaivaKutumbakam,”.
