Mynta ka sngi u Myntri Rangbah ka Jylla u Conrad K. Sangma u la plie pyrda ia ka prokram jong ka Economic Growth Plan kaba dei shibynta na ka prokram jong ka CM Elevate Conclave ha ri lum Garo.
U Myntri Rangbah haba ai jingkren kum u kongsan ula pynpaw ia ka jingkiew jong ka ioh ka kot ha ka liang ka khaïi pateng hapoh ka jylla, lyngba ka jingshim khia na ka skhim pynshlur u Myntri Rangbah ne ka CM Elevate kaba la pynioh ia ka subsidi kaba biang ia ki nongsengkam la jong.
Ha kane ka prokram la pyni ia ka rukom pyntrei ia ka kam thung syntiew, ka jingpyntreikam ia ka IT Park bad ka rukom pyndonkam ia ki mar ba la bret ne bym donkam shuh.
Kiwei de kiba la don lang ha kane ka prokram ki kynthup ia ka MP jong ka Lok Sabha ka Agatha K Sangma, u Deputy Speaker ka Meghalaya Legislative Assembly u Timothy D Shira, u Myntri ka tnat Bording u A.T. Mondal bad u Myntri ka PHE u Marcuise N Marak.