U Bah Hamlet Dohling, President ka Meghalaya Sports Association (MFA) hynne ka sngi (16.12.2024) u la leit ban plie pyrda ia ka lympung 1st & 2nd Division Football League ba la pynlong da ka Ranikor Civil Sub Division Sports Association (RCSDSA) ha madan Nolikata, Ranikor South West Khasi Hills District.
Haba ai jingkren, na ka liang u Bah Hamlet u la pynpaw ia ka jingkmen ban ioh ia ka kabu ban ia don ryngkat bad ka RCSDSA “Lyngba kane football league, nga ngeit skhem ba ka sap ka phong jong ki rangialehkai kane ka thaiñ ki paidbah kin iohi da kaba ki leit ban sakhi ia ka jingialehkai. Ka MFA kan iai don ryngkat bad kan iai kyrshan ia ka RCSDSA ha ka ban kyntiew ia ka phutbol ha kane ka thaiñ baroh kawei”.
Ha ka jingiakhun ban plie pyrda ia kane ka lympung, ka Evergreen SC ka la ia aireng pyrshah ia ka Domsohkhai S&CC.
