U MLA ka Nongpoh constituency u bah Mayralborn Syiem hynnin ka sngi (17.05/2025) u la plie ia ka ïing thymmai ka Cemetery shed ha u lum jingtep jong Balang Catholic Umden Nongtluh ha kaba da kiba bun bun snem ym shem la don ka ïing kaba paka ha katei ka jaka kumta lyngba ka jingnoh synniang u bah jong u bad ka jingiasnoh kti lang ka Parish la ioh ban plie ia katei ka ïing bad ban ioh ban pyndonkam ki paidbah jong katei ka dong ha ka por ban tep briew ne ha kiwei kiwei ki kam.
Ha kane ka sngi la wan ban synran lang da u Parish Priest ka lum Sinai Parish Umden u Phadar Michel Khongngain, u Catekist u Babu Elias Mallai u rangbah shnong ka Umden Nongtluh u Bah Shanbor Trang, u Rangbah Balang ka Umden Nongtluh u bah Thomas L. Syiem, ki paibah nongshnong snong jong katei ka dong lem bad kiwei kiwei ki riew rangbah.
Haba ai jingkren na ka liang u bah Mayralborn Syiem u la ai ia ka jingiaroh ha kaba ka jingiarap ka jong u ia ki paidbah kiba dei hok ban ioh, kila pyndonkam hok ia ka, shuh shuh na ka liang jong u la bei tyngka lyngba na ka skim sa kumba ar lakh eiei ban pyndep ia ka jingker kynroh ia katei ka ïing khnang ban lait na ka jingpynjot ki riewsniew ia katei ka ing.