U Block Development Officer (BDO) ka Namdong C&RD Block u Dr, Heimonmi Niang hynnin ka sngi 31 tarik u Jymmang ula plie paidbah ïaka ophis treikam jong ka Iashemlang i CLF ha Namdong Cluster ha Namdong-B West Jaiñtia Hills District.
Ha kane ka sngi la ïa don lang ruh u Waheh shnong ka Namdong-B ma D, S.War u Acting Waheh Raij ma Lambor Lyngdoh. Haka jingkren jong ki kila ai ka jingïa roh bad kyntu kynpham bad kitbok kitrwiang ïaka CLF, ïaki VO, ïaki SHG’s hi baroh ba kin nang trei shitom khnang va kin nang lah ban kiew irat sha khmat
Kum ban shu pyn kynmaw ïaka Cluster Level Federation Namdong Cluster la sdang ïaka haka 24/1/2022 ka CLF ka kdup ïaki 11 tylli ki Village Organisation (VO) bad 150 tylli ki SHG’s,
Kumta daka jing trei shitom jong ki nongkitkam President kong Donasynta Lyngdoh bad ka Secretary kong Wanbiang Khongjoh ha kane ka sngi kila ïoh syndon ban plie ïa kane ka ophis trei kam ka jong ki hapoh ka shnong Namdong-B.
Haka juh ka por ka CLF kala pynlong ruh ïaka Annual General Meeting (AGM) ha Community Hall Namdong-B, haka jingdon lang u Rolin shadap Distric Mission Manager, Jowai bad u Donbok Nongpoh Block Project Manenger, ha kane ka sngi la wan ban sakhi lang ruh da u Waheh Shnong ka Thadmukoh ma Hoping Phawa bad u Waheh Shnong ka Lumrot ma Nobelki Ryngkhlem ryngkat ka jingdon lang ki dkhot jong ki SHG naki shnong bapher bapher.
