Mynta ka sngi ka JPC Market Management Committee kala ban plie ia ka jaka die dohkha ne ka Fish Retail Outlet kaba don ha Iaw Chyiap, Jowai.
Ia kane ka jaka die dohkha la wan ban plie ot ribon da u Deputy Director ka tnad Fishery u ma J. Suchiang kum u Kongsan ha ka jingiadon ryngkat u Superintendent of Fishery, West Jaintia Hills u ma R. Rymbui kum u symbud Kongsan, u ma K. Siangshai Fishery Officer bala shongthait, u Pastor Rev. E. Nongpluh bad kiwei ki rangbah nongialam jong ka Balang Jowai Presbyterian Church.
Ia ka jingialang la pyniaid da u Pastor Nongpluh, la ioh ka jingpule Baibl na u Tbn. H. Sutnga, ia ki kyntien ai khublei la ai da u ma J.B. Laloo.
Ia kane ka dukan la iarap lyngba ka tnad Fishery ka sorkar jylla bad ka jinglut ha kaba shna ia ka, kala kot sha ka 10 lak tyngka.
Ia kane ka skhim ka tnad Fishery kala ioh ban pyntreikam ha ki ar jaka kawei ha Wahiajer Iawpynsing bad kawei pat ka dei ha kane ka jaka ha Iawchyiap, Jowai la iathuh u ma Rymbui.
