Mynta ka sngi u Myntri ka tnad Social Welfare Department, Revnue bad Disaster Management Department u ma Kyrmen Shylla ula plie pyrda ia ka Adolescent Health Resource Centre (AHRC) ha Khliehriat Higher Secondary School, East Jaintia Hills District.
Ha kane ka jingialang la iadonlang u Deputy Commissioner ka East Jaintia Hills District u A. Barawal, IAS, Dr. Dominic Shylla, District Medical and Health Officer, East Jaintia Hills District, Khliehriat bad kiwei. Ia kane ka prokram la pynlong da ka ophis jong u DM&HO, East Jaintia Hills.
U ma Shylla haba kren ha kane ka sngi ula ong ba ka jingplie ia kane ka Centre ha Khliehriat HSS kan long ka jingiarap ia baroh ki khynnah skul kiba la kynjoh sha ka rta jong ka jinglong samla kiba don hapoh ka District baroh kawei. Ula kyntu ia kine ki khynnah-samla ba kin long kiba kloi ban iamir ia ki jingmut jingpyrkhat jong ki bad ki nongiasyllok kiba don hapoh kane ka Centre.
Na ka liang jong u Baranwal haba kren u la ong ba ka long kaba donkam ban bud dien ia ka jingeh kaba ia kynduh da ki khynnah-samla kum ka jingpynurlong ia ka jingthmu jong ka jingthaw ia kine ki AHRC ha ki skul.
Kiwei de kiba ai jingkren ki kynthup ia u Dr. Dominic Shylla, DM&HO, East Jaintia, ka Dr. (Mrs) Handaka L. Suting, DEIC, Dr. (Mrs) Icilian Dkhar Medical Officer, RBSK, Khliehriat, Dr. W. Bamon, DNO, RBSK/RKSK. East Jaintia Hills District, u bah B.L. Kharmalki Project Officer AHANA, u Fr. Jose Josh, Principal Khliehriat HSS bad ka kong Daphihi Passah, RKSK Adolescent Counsellor, Khliehriat.
