Ka Dorbar Shnong Namdong-B West Jaiñtia Hills mynta ka sngi kala plie ïaka ‘Open to all Football Tournament-2023’ da u MDC ka Moodymmai u ma Jesse Suiam.
Ha kane ka jingplie pyrda ïa kane ka Tournament la pynlong ïa ka jingïalang kaba lyngkot kaba la pynïaid da u ma Serus Lypon bad ka jingkren pdiang burom bad maitphang da u Waheh Shnong u ma D.S War ha ka jingïadon lang ki riew Rangbah ka thaiñ.
Ka jingïalehkai ba nyngkong ka long hapdeng ka Dkhar FC Modop pyrshah ïaka Tyrshang Sport Club ka long kaba itynnad bha ha kaba ka jingïalehkai kalong kaba ïakhaid bad la hap ban rai da ka jingïashut Tie Breaker ha kaba ka Tyrshang FC ka la jop da 4-3.
Kum ka jingpyn kynmaw ki khusnam jong kane ka lympung ki long kumne Winner 1.00.000/-, Runner’s up 60,000/-, Winner 3rd Place 20,000/-, Runner up 3rd Place 10,000/-.