U ma Lahkmen Rymbui uba dei u MLA ka Amlarem Constituency bad u Chief Adviser ka sorkar jylla, mynta ka lah sngi U Blei 30 tarik u Nailur ula plie ïa u Maw sah jingkynmaw jong ka skul Building ba thymmai ka Pdengkarong Goverment Lower Primary, School West Jaiñtia Hills District. Ïa kane ka ïing skul la tei ha ka jinglut kaba Rs. 44,97,448/ tyngka, lyngba ka jingïarap pisa na ka thad pule puthi Under Mission Education Phase II.
Ka jingïoh ïa kane ka skul building ka dei lyngba ka jingtrei shitom jong u Waheh ka shnong u ma K. Pohshna uba la pynsngew ïa ka jingdonkam ki kam pynroi hapoh ka shnong nalor ka jingïoh jong ka shnong ïa u surok ba bha ha u snem 2018 ula la poi haduh ka shnong kaba la ïarap shi katdei eh ïa ka shnong ha ka ïaid ka ïeng. Napdeng ki 39 tylli ki skul shnong kiba don hapoh ka thaiñ Amlarem kane ka skul hapoh ka Pdengkarong kala ïoh ïa kane ka skul bad kan long ka jingmyntoi kaba khraw eh ïa ka shnong ban ïoh ïa ka jingnang jingstad.
Ïa ka jingialang la pynïaid da u Waheh Shnong ka Pdengkarong ma K. Pohshna, la ïoh ruh ka jingkren pdiang na u ma Silverstar Sumer (Head Teacher) ha ka jingdonlang u ma C. Lamin SDSEO Amlarem (DI), ma Lamdibok Sumer Ex MDC, ki khynnah katba ïa ki kyntien ai khublei la ïoh na u Fortunate Mukhim.
Na ka liang u kongsan ma Lahkmen Rymbui ha ka jingkren u la ong kane ka ïing skul ha shnong Pdengkarong ka dei kaba la rim bha ha ka thaiñ War Jaiñtia bad kaba don ruh sha ki thaiñ kyndong, hynrei ha kine ki 15 snem kala kylla dur da ka jingtreilang jong ki nongshnong shnong ka thaiñ.
Ula kyntu kum ki khynnah skul ba ki dei ban don ka mynsiem trei shitom dalade hi khnang ba kin lah ban poi sha ka thong jong ka jing jop, ula buh ruh ka jingkyntu kum ki nongshong shnong kim dei ban shah ïalam bakla khamtam ha ka liang jong ka synshar khadar, da kaba kyntu ban peit ia ki kam ym ha ki jingshah ïalam bakla, namar u MLA ka thaiñ ula trei shitom ban wanrah ïa ki kam pynroi ha kiba bun ki liang, wat ïa u surok Pdengshakap la dep sanction pisa 10 klur shen ka kam kan sa sdang noh.
La pynphuh pynphieng shuh shub ïa kane ka sngi da kj jingrwai, ki jingshad na ki khynnah skul, ki seng samla, ki seng longkmie bad ki SHG jong ka shnong.
