U MLA ka Mawryngkneng Constituency u Bah Heaving Stone Kharpran mynta ka sngi u la plie ia ka kamra klas jong ka Spark Morning School kaba don ha ka shnong Mawlynrei.
Ia katei ka kamra klas la tei bad pynlut na ka MLA SRWP scheme jong ka snem 2023-24.
Haba kren ha kane ka sngi na ka liang u MLA u la pynpaw ba u kmen ban trei bad iarap ia ka kam paidbah lyngba ka skhim MLA kaba la mang da ka Sorkar jong u snem 23-24, kumba 22 tylli ki Skul kylleng ka Constituency ki lah ioh ka jingiarap da ka Additional classroom na ka Scheme SRWP 2023-24.
Shuh shuh u la ong ,”Katba lah hi ngan pyrshang ban trei bor bah ban kyntiew ia ka jingpule ha ka Constituency da kaba ai ka jingkyrshan ia ki skul bad nga lah iakren bad ki bor sorkar ban pynbha bad kyntiew ia ki Skul Sorkar kiba don ha kane ka thain”.
Ha katei ka sngi plie la don ryngkat ki nongialam Shnong, ki Nonghikai ryngkat bad ki khynnah Skul.
