U Myntri jong ka sorkar pdeng ba dei peit ia ka Communications, Railway, and Electronics & Information Technology u Ashwini Vaishnaw ha ka jingiadon ryngkat u Minister of State for Communications, u Devusinh Chauhan ula pyllait paidbah ia ka Department of Telecommunications (DoT)’s ‘Digital Intelligence Platform (DIP)’ ban teh lakam ia ki jingsniew kiba mih lyngba ki cyber-crime bad ki financial frauds, bad ruh ia ka ‘Chakshu’ facility on Sanchar Saathi portal (https://sancharsaathi.gov.in), kaba iarap ia ki nongshong shnong ban ujor lada ki lap kino kino ki jingsuba ha ki kam thok kam shukor lyngba ki jingphah khubor.
U Ashwini u la ong ba ka sorkar kala pyrshang na ka por sha ka por ban lap ia ka jingleh thoh lyngba ki cyber-frauds. U ong ba ka lyngba ka tnat Telecommunication kala shim khia ban ai ka jingpynsngewthuh paidbah khnang ba ki nongshong shnong kin lah ban pyndonkam ia kine ki lad ban iada ia ki na ka jingshah thok shah shukor. U ong ba ka ‘Sanchar Saathi” kadei kawei na ki portal kaba iarap shibun ban teh lakam ia kine ki kam shukor. Kumta ula ong ba ka jingplie ia ka DIP bad ka jingiatreilang bad ka Chakshu kan nang iarap shuh shuh ban lap ia kine ki kam thok.
Na ka liang jong u Minister of State for Communications, u Devusinh Chauhan ula iaroh shi katdei eh ia ka tnat Telocom (DoT) ka ba la lah ban pyndep shibun ki projek kiba iarap ia ki paidbah ban ialeh pyrshah ne lait na ki jingshah thok shah shukor.
U Secretry jong ka Telecom u Dr. Neeraj Mittal ha ka jingkren lamphang ula ong ba kine ki ar tylli ki portal kiba thymmai kiba kynthup ia ka Digital Intelligence Platform (DIP) bad ka Chakshu ki dei kiwei pat ki kyndon kiba lah ban ialeh pyrshah ne pynduna ia ka ‘cyber security threat’ ia ki nongshong shnong jong ka ri India.
