U Myntri Rangbah ka jylla Meghalaya u Conrad K. Sangma, myn ha ka sngi thohdieng u la plie paidbah ia ka LED bulbs assembling unit ha Hawakhana, kaba don ha nongbah Tura.
Ia kane ka kam ba la kyrshan bad kyntiew da ka GHE Impact Ventures Pvt Ltd, la ai jingiarap da ka sorkar jylla. Haba plie paidbah ia kane ka project, u Myntri Rangbah ka jylla u la ong ba ka jingseng ia ka assembling unit ka dei ka jingjam kaba nyngkong ban pynlong ia ka lyer sawdong kaba khuid bad lait na ki lyer bih. Ngi pynshlur bad ngi pyrshang ban pynbha ia ka lyer kaba ker sawdong ia ka pyrthei ban pynmih ia ka bor tynrai kaba khuid bad ban pynduna ia kiei kiei kiba pynmih ia ka lyer bih.
U la kyntu ia ki briew ban pyndonkam ia kine ki tiar kiba la pynmih ha ka jylla ban pyndonkam ha ki tnad treikam sorkar, ha ki ïing ki sem bad ha ki seng ne kynhun. Kumba 85 ngut ki khynnah shynrang bad kynthei la aikam da ka GHE Impact Venture ha ka assembling unit.
