Ki 5 (san) ngut ki kyrtong MLA na ka 2-Jowai Constituency kiba kynthup ia u ma Wailadmiki Shylla (NPP), ma Allan K. Suchiang (BJP), ma Awhai Andrew Shullai (TMC), ma Daniel Dann (INC) bad u ma Moonlight Pariat (UDP) kila poi mynta ka janmiet ha Shnong Khimusniang na ka bynta ban iashim bynta ha ka Common Platform kaba la pynlong da ka Dorbar Shnong Khimusniang, khnang ba kin ioh ban pynsngap pynsngew ia ki jingthmu bad ki kular elekshon jong ki sha ki paid nongshong shnong.
Ia kane ka Common Platform la pynlong ha Indoor Hall jong ka shnong Khimusniang kaba sdang naduh ka por 7:00 baje janmiet.
Ia ka ka Common Platform la pyniaid da u Waheh Shnong ma A. Lamare. Ia ki kyntien pdiang burom la ai da u ma J.M. Pohsngap uba dei u Astt. Waheh Shnong ka Khimusniang.
Ki kyrtong kila ioh ban kren katkum ki slip number ba kila ioh.
Na ka liang jong u YUTIP NEWS un sa pyllait ia ki jingkren jong ki kyrtong (Candidates) uwei hadien u wei lyngba ka YouTube Channel jong une u khubor (Phi lah ban search Yutip News hapoh YouTube).
