Ka North Liberty Higher Secondary School (NLHSS), Jowai kawei na ki skul na Ri-lum Jaiñtia kaba la paw bha shakhmat bad mynta ka kynti ruh ar ngut ki khynnah skul jong ka kala ïoh ban rung haka thup Top-10 haka result Higher ‘Secondary School Living Certificate’ (HSSLC) Examination, 2025 (Science Stream) ba la pynbna mynta ka sngi da ka Meghalaya Board of School Education (MBOSE).
Ki ar ngut ki khlur jong ka skul North Liberty ki kynthup ïa ka Reesa Ee Christine Suting kaba la poi ha ka kyrdan ba 5th Position da kaba ïoh Distinction ha baroh ki subject (English-86, Mathematics-94, Physic-88, Chemistry-97, Biology-96 bad ka Khasi (MIL)-86). Katba ka Rilanaika Sari kala poi ha ka kyrdan 9th Position bad ïoh Distinction baroh ki subject (English-85, Khasi (MIL)-91, Mathematics-80, Chemistry-92, Biology-93 bad Physic-91).
Halor kane ka jingjop jong ki khynnah skul ka NLHSS Jowai na ka liang u Principal jong katei ka skul u bah Richard B. Uriah ula ïathuh kum u nongpynïaid jong ka skul, nyngkong eh u ai ka jingïaroh bad jingsngewnguh ïa u Blei, ula ong ruh katba nang mih ki snem ka skul ka la nang ïaid bad nang kiew shakhmat ha baroh ki liang.
Katba kawei ka khynnah pule jong ka Govt. Girls’ Higher Secondary School, Jowai ka Sophia Niang kaba ïakhun kum ka (Regular-II Candidate) kala ïoh rung haka kyrdan 6th Position jong ka (Commerce Stream).