Ka lympung ïalehkai phutbol ki khynnah skul kaba la tip kum ka ‘District Level Inter School Subroto Mukherjee Cup Football Tournament 2024’ bala pynïaid da ka ophis jong u District Sports Officer West Jaiñtia Hills District, Jowai kala poi sha ka jingïakhun Pre Quarter Final mynta ka sngi saitjaiñ 15 tarik ha madan Kiang Nangbah Stadium, Jowai.
Haba phai sha ka jingïakhun haka kyrdan Under-17 (Boys) ka H.K. Singh Memorial Sec. School kala lah ban pynliem da 3-1 kol ïaka St. Claret Sec. School da ka jingïashut Tie Breaker. Ka Lumpyrtuh Sec. School kala pynliem da 2-1 kol ïaka Kymprup Sec School, Sahsniang. Ka Govt. Boys H/S School kala pynliem da 2-1 kol ïa ka Nongbareh Lyntiar Sec. School.
Kata ha ka kyrdan U-15 (Boys) ka H.K. Singh Memorial Sec. School kala lah ban pynliem da 5-3 kol ïa ka Jaiñtia H/S School da ka jingïashut Tie Breaker bad ka Sabahmuswang U/P School kala pynliem da 3-2 kol ïa ka Jowai Presbyterian U/P School ha ka jingïashut Tie Breaker
La pyntip ka jingïakhun Pre Quarter haka sngi nyngkong 17 tarik kin don haduh san tylli ki jingïakhun haka kyrdan U-15 (Boys).