Kum ka jingialum lang iaki khun ki hajar jong ka Kur Shadap kiba don hapoh ka Ri Bhoi District bad shabar ka District ruh kumjuh hynnin ka sngi ki khlieh duh jong ka Kur Shadap kiba na Ri Bhoi District haka jingialam jong u Bah G.S Shadap u ba dei ruh u Vice President haka jingdonlang u Bah AM Shadap u ba dei u Secretary ki Nongkitkam jong ka Kur Shadap napoh ka Seng kmie bad napoh ka District Ri Bhoi.
Naka liang ki khliehduh jong ka Kur Shadap kila pynbna paidbah baka meeting jong kur Shadap kan long haka 30 tarik u Nohprah 2025 ha Banbudai Ri Bhoi District.
Hakane ka sngi naka liang ki Nongkitkam jong Kur Shadap kila pyllait paidbah ruh iaka Almanak lane ka Calendar jong u Snem 2026 bad ki la kyntu ruh iaki parakur paramer ba kin ia wan sha katei ka Meeting kur kum ka jingiakynduh lang kaba shisien shisnem ka ban sa long ha Banbudai Ri Bhoi District. Ka jingjngai nasor Umsning sha Banbudai kalong tang kumba 12 kilo meter ei ei.
