Ka Shnong Panaliar Jowai kumba juh long manla u snem ka ju pynlong ia ka Jowai Winter Carnival cum Fete, Kane kan long biang ha une snem ha ka 13 bad 14 tarik u Nohprah (December) 2024.
Kumta ia ki Ticket Lucky Draw jong ka shnong kiba iadei bad Kane ka Fete la dep ban pynlait paidbah ha ka 07.09.2024, ha Yungwalieh ka shnong Panaliar ha kaba u Sainia Kyndiah, Chief Engineer, PWD (Building) u la long kum u kongsan haka jingiadon lang u waheh shnong ka Panaliar ma Riquoma Rq. Laloo, u Assistant Waheh shnong ma Arwotki Sumer, u General Secretary ma Marryngkat Syngkon bad kiwei de ki dkhot ka dorbar Shnong Panaliar.
Ha une u snem ka dor kawei ka tiket ka long Rs.100 tyngka. Ki Prize ki long, First Prize Rs 7,00,000 tyngka, Second Prize ka TVS Scooty, Third Prize da ka Yamaha Scooty bad 5 tylli ki Consolation Prize kiba shongdor Rs. 10,000 tyngka kawei ia kiba yn pynkhalai ha ka 14.12.2024.
Yn don ruh ka Bumper Housie, ka ban shongdor haduh Rs. 70,000 tyngka ha ka 13.12.2024 bad ha ka 14.12.2024 kan shnong dor haduh Rs. 4,00,000, tyngka. Na ka liang ka shnong Panaliar ka khot ia baroh kiba najan bad na jngai ban wan pynshongshit sha kane Jowai Winter Carnival cum Fete jong ka shnong Panaliar.
Na ka liang ka shnong ka kyntu ruh ia ki para shnong bad ki paralok parajor baroh ba ki dei ban shim khia ha ka ban pyniaid ne die ia ki ticket katba lah, namar ka ka Prize ka long kaba heh, kam long kaba suk ban pynmih lada ym lah ban die bha ia ki ticket.