Ka Dorbar Shnong Khimusniang (DSK) mynta ka sngi 14.8.2023 kala ïoh ban pyllait paidbah ïa ki Ticket Lucky Draw da u Waheh Shnong jong ka u ma Aridowni Lamare ha ka jingïalang kaba la pynlong ha Indoor Sport Hall jong ka shnong.
Na ka bynta ki Prize ki long kumne harum:-
- 4 tylli ha ka dor mar Rs.1,00,000/- (shi lak) tyngka
- 10 tylli ki Consolation mar Rs.10,000/- (shiphew hajar) tyngka
- Kan don ka Special Bumper Round (Housie) kaba Rs.1,50,000/- (shilak sanphew hajar) tyngka
Ka jingthmu jong ka Dorbar Shnong Khimusniang ban pynlong ïa kane ka Fete ka long shi bynta ban pynmih pisa ïa ka shnong khamtam ha ka ban pynbha pynmiat ïa katei ka Indoor Sport Hall.
La pyntip ba ïa kane ka Ticket Lucky Draw ka DSK yn pynkhalai haka 20th October, 2023. Ka dor jong ki Tiket ka long T.30/- kawei. Na ka liang jong ki nongpyniaid ki la kyntu ruh ia ki paidbah ban iasnohkti lang bad kane ka jingthmu jong ka Shnong da kaba thied ia kine ki Tiket.
