Ïa ka kot ba la ai kyrteng ‘Ka Rukom Hikai ïa ki khun ha ka juk thymmai’ (New age parenting tips) kaba la thoh da u Remingson Bamon, la pyllait paidbah ha kane ka sngi saitjaiñ da u Dr. H.H. Mohrmen ha ka jingïalang kaba la pynlong ha ïing sah jong u nongthoh ha Mihmyntdu, West Jaiñtia Hills District, ha ka jingïadon ryngkat ki kmie ki kpa bad kiba ha ïing ha sem.
Ha kane ka sngi pyllait ïa kane ka kot ha ka sngi Saitjaiñ (17/6/2023) la don ka jigïalang ba lyngkot kaba la pynïaid da u ma Phillip J. Bamon.
Haba kren ha ka jingïalang u Dr. Mohrmen ula ong ba ka long ka burom ïa u ban ïoh ban ïa don bynta lang ha kum kane ka sngi ba kyrpang jong ka jingpyllait paitbah ia ka kot ba nyngkong eh kaba la thoh da u Remingson Bamon uba dei u wei na ki khynnah skul ba rim jong u, mynba u dang hikai ha ha H.K. Singh Secondary School, Jowai.
U Dr. Mohrmen ula ong shuh shuh ba u Remingson um dei tang u nongthoh kot hynrei u dei ruh u YouTuber uba la kynjoh sha ka shilak ki subscribers bad u dei tang ma u hi na ri lum Jaiñtia, uba la ïoh ïa ka jingithuh na ka Youtube bad u dei ruh u nongkren ba tbit bha.
La ïathuh ba kane ka kot “Ka rukom hikai ia ki khun haka juk thymmai” ka long kum ka lad jingïarap ïa ki longkmie ki longkpa ha ka jingïadei bad ka rukom hikai bad sneng ïa la ki jong ki khun ki kti ha kane ka juk thymmai ba mynta.
Ïa kane ka kot lah ban thied online lyngba ka Amazon bad na ka bynta ki paidbah ha Jowai ki lah ban thied ïa ka na ka Book Stall kaba don hajan Apex Bank, Iawchor (CNI Campus), Jowai.
