U Nongmihkhmat (MLA) ka Mawryngkneng Constituency, bah H.S. Kharpran, ula pyllait paidbah ia ka “Intensified Indradhanush Immunisation 5.0” ha East Khasi Hills District ha ka 7 tarik u Nailar, 2023 ha Diengpasoh PHC. Ia kane ka programme la pynlong da ka tnat trei kam sorkar ka District Health Society, NHM, East Khasi Hills District ha ka jingiatrei lang ryngkat bad ka tnat trei kam ka koit ka khiah, Directorate of Health Services (MCH & FW).
Ha kane ka programme la ia don lang ryngkat ruh i Kong R.M. Kurbah, iba long i Deputy Commissioner ka East Khasi Hills District, i Dr. Allya, DHS (MCH), Dr. A Lyngdoh, DMHO, East Khasi Hills District, Dr. E.L Kharmutee, DMCHO, i Dr. V. Laloo, Dr. A. Lyngdoh, Medical & Health Officer ba dei peit ia ka Diengpasoh PHC, BMO, CDPO, ki Nongkhmih Bniah (National Observer) ki heh sorkar na ka tnat trei kam ka WHO, JSI, UNDP, ki heh sorkar jong ka ki District bad Block, ki dkhot ka VHC, ki ASHA, ki AWW lem bad ki longkmie ki longkpa.