U Chanchal Kumar uba dei u Secretary jong ka MDoNER, ka sorkar India ula pyllait paidbah ia kawei ka kot ba la ai kyrteng ‘Coffee Table Book on 75 Young Entrepreneurs’ kaba la pynbit da ka Dr.APJ Abdul Kalam Centre for Policy Research and Analysis, IIM Shillong.
Ia kane ka kot la lumthup kum ka jingai mynsiem jong ki 75 ngut ki nongsengkam la jong napoh kane ka thaiñ North East India, kiba don hapoh ka rta kaba 40 snem bad kum ka jingpynkup burom ia ka jingjop ka jingtreikam jong ki.
Na ka liang ka Dr Kalam Centre kala shimkhia ban ithuh ia ka jinglah jong ki samla ban seng iaki kam khaïi pateng bad ruh da ka jingthmu ban iarap ban kyntiew ia ka kam jong ki katba ka kot bor
Ha kane ka jingialang la iadon ryngkat ki heh sorkar jong ka MDoNER bad IIM Shillong kiba kynthup ia u Atul Kulkarni, Member Board of Governors, IIM Shillong, Prof. DP Goyal, Director IIM Shillong bad u Dr. Sanjeey Kumar Ningombam, uba dei u Centre Coordinator Dr. APJ Abdul Kalam Centre for Policy Research and Analysis.
La iadonlang ruh ki nongsengkam lajong ba kynthup ia ka kong Dasumarlin Majaw na ka Smoky Falls Tribe Coffee, Meghalaya; ka Tage Rita, Naara Aaba na Arunachal Pradesh; u Bhaskar Bhuyan, Digibility na Assam; u Pallav Gogoi, Bhaskar Homestay na Assam; ka Bijiyashanti Tongbram, Sanajing Sana Thambal, na Manipur; bad u Pranay Kumar, The Chakras Farm Pvt. Ltd., Sikkim.
