Mynta ka sngi u Superintendent of Police ka West Jaintia Hills District u Bikram D. Marak MPS ula pyllait paidbah ia ka Christmas Music Video jong ka tnad Pulit.
Ia kane ka Music Video la pynmih da ka jingiatreilang jong ki Pulit ka West Jaintia Hills District Executive Force, Ri Bhoi District Executive Force, 3rd Battalion Meghalaya Police, Sahbsein ka 6th Battalion Meghalaya Police, Umran.
Haba kren lyngkot ha shwa ban pyllait ia kane ka Music Video u SP ka West Jaintia Hills ula ai khublei kyrpang ia ka tnad Pulit baroh jong ka jylla, bad khamtam eh ruh ia kito ki Pulit kiba la don bynta ha kaba pynmih ia kane ka Music Video. U ong ba ka jingpynmih ia kane ka Video ka long kum ka jingai mynsiem ia ki para Pulit kiba trei shitom na ka bynta ban wanrah ia ka suk ka saiñ ha ka por Christmas wat la ialade kim ioh por shuh ban iakmen lem bad la kiba ha ïing ha sem jong ki.
U la ai khublei kyrpang ruh ia i Deputy Commissioner jong ka Ri Bhoi District kong R.M. Kurbah IAS bad ia u Deputy Commissioner ka West Jaintia Hills ma Garod LSN Dykes IAS, kiba la ai ka jingkyrshan ba pura ha ka ban pynmih ia kane ka Christmas Music Video.
U Bikram u khot u wer ia baroh ki paidbah ba kin sngewbha ban iapeit lem ia kane ka Video jong ki ha ka Youtube Channel : https://youtu.be/POAfs8GXO6k