Ka jingiasengsamla Samla Balang Presbyterian Daistong ka la ioh lad ban pyllong ia ka awarenesss program halor ka phang “Iada bad pynneh pynsah ia ka mariang” ha ka 18/08/23, ha kane ka sngi la ioh ia ka jingpynshai halor ka phang iada bad pynneh pynsah ia ki jingthung kum ki soh, ki dieng bad kiei kiei ki ba don ha ka mei mariang, da i Smt. R. Sutnga Nonghikai Science ka UP School, Daistong.
I kong Sutnga i la pynshai ba ki dieng ki ai ia ngi ki jingmyntoi shibun kum ka lyer (oxygen) ka ba khuid bad ki dieng ki ring mynsiem pat ia ka lyer ba sniew shalade, ngi ioh ban shna ing da ki dieng ki ba bha bad itynnad ki don bun ki dieng ki ba lah ban shna dawai, khamtam ki dieng soh ngi ioh ban bam ban tei ia ka met jong ngi, bad ban kamai pisa na ki soh dieng Khlaw, kumta ngim dei ban pom pathar ia ki dieng ki siej namar, ki long ka spah bad ai jingmyntoi ia ka jingim jong ngi ki briew bad mrad ruh kum juh, bad pynshai ruh ba lada ym don ki khlaw ki btap ka jinghap u slap ruh yn duna bad ka jingshit kan kiew, ka lyer ba sniew (Air pollution) kan kiew, kumta ki jingpang kin kynrei la ia ki briew, mrad bad jingthung kim long ne man bha shuh, kumta ka mut haba ki jingthung kin duh noh ka jingkoit jingkhiah kumjuh ruh ia ki jingthaw ba im baroh kin duh.
Hadien kane la ioh ban pynshai halor ka phang ban “iada bad ban pyneh pynsah ia ki mrad ki ba im halor dieng, ryngkew, ki ba don hapoh khyndew bad poh um lem bad kiwei kiwei” da u ma Philimon Sukhlain u pynshai bad pynsngewthuh ba ym dei ban pyndonkam da ki dawai dashin ha ba leit beh doh um kan pyniap ne pynduh jait lut ia ki barit bakhraw bad kim nang kha roi shuh, kan long ruh ka jingduh jingmyntoi lynter bad kan ktah ruh ia ka koit ka khiah lada ngi bam haba ngi pyndonkam da ki dawai ban ioh ia ki doh um kum ki dohthli, dohkha, kumjuh ruh ia ki mrad ba bun ki ba shait juh don sha ngi ruh ki la duh jait namar ka jingleit beh mrad palat ki briew. U la ong lada ngi kwah ban Iohi ia ki mrad da la ki khmat mynta ki sngi, ngi hap ban leit shaduh ki park ne zoo ba don shabar jylla kum sha Assam lem bad kiwei kiwei ki Jylla, bad u la kyntu ba ngim dei ban leit beh bad pyniap ia ki mrad khang ba kin mih bad roi biang sa shisien kum ha ki por mynshwa u la pynkut.
Ha ka sngi ka ba bud kata ha ka 19/08/23 la pyllong ia ka workshop halor ka phang “Thung dieng” la ioh ia ka jingiamir bad phyllliew jingmut da u samla Vestperson Sutnga u wei na ki samla bala ioh jinghikai shaphrang ka jingthung dieng bad jhur u pynshai ia ki jingthung ia ki dieng, kumno ban sdang ia ka rukom sdang ia ki symbai bad pynheh pynsan da ka ba pyndonkam ha ki plastic (polybag), shara symbai tad haduh ban da long ban thung dei ruh ban da ai sboh bad dawai ia da khniang khnang ban ioh san bha bad kumjuh ki nongiashim bynta ki ia ai jingmut ia kaba ki shemphang bad kylli jingkylli ia kaba kim tip. Hadien ba la kut ka jingia phylliew jingmut, la ioh lad ruh ban leit sha ki jaka badon ha jan ka shnong Daistong ki bym don dieng ban ia shim bad pyni nuksa kumno ban thung dieng bad iada na ki jingpynjot ki masi bad ban lait na ka jingbam ka ding ha ka por tlang lem bad ki nuksa (practical) pynneh pynsah ia ki dieng.
Ia kane ka program la bei tyngka da ka YESS Meghalaya, ki Nongiashim bynta ha kane ka program ki don palat 200 ngut naduh ki khynnah ba 14, 15 snem shaneng, ki Samla bad ki rangbah shynrang bad kynthei.
La pyniaid ia kane ka program da u Vice-Chairman Jingiaseng Samla Balang Presbyterian Daistong u Thynda Monlong Pyrngap. Pynkut ka kyrwoh khubor ba la pyllait na u Secretary JSBD (Jingiasengsamla Balang Presbyterian Daistong).
