U Chief Justice ka Meghalaya High Court u Justice S Vaidyanathan mynta ka sngi ka 30 tarik Naitung u la pynbam smai ia u Lat ba thymmai ka jylla Meghalaya u Chandrasekhar H Vijayashankar ha Raj Bhavan Shillong.
Hadien ba lah dep bam smai kum u Lat, u Chandrasekhar H Vijayashankar haba ai jingkren u la ai khublei ia ki paidbah ka Meghalaya, ka ri khlaw hapdeng ki lyoh, kaba ju khot ka vanadevi. La pynsan pynrangbah ruh ia nga ha ka jinglong ba iadei bha.
U la ong ruh ba u sngew kmen bad kyrkhu ban ieng hakhmat jong phi kum u Lat ba thymmai ka jylla Meghalaya. U la pyntip ba u sngewrit mynsiem shibun eh namar ka jingshaniah bad ka jingkitkhlieh ba ki la bynshet ia u ia kane ka kam. U la kular ruh ba un shakri ia kane ka jylla kaba im da ka jinglong ba janai kaba pynneh ia ka Riti dustur.
Ka Meghalaya ka ri kaba dap da ka spah mariang bad ki jaka ba itynnad bad ka jinglong bajanai. U thrang ban ioh jinghikai na baroh ki liang ban trei na bynta ka roi ka par. Ka ri kaba don ia ki riewthoh ba pawnam kum u Soso Tham kiba la pynshai ia ka jylla da ka kam ba donburom. Ki Nongialeh laitluid ba pawnam kum u Tirot Sing, Kiang Nangbah, Phan Nonglait, Pa togan Sangma bad bun kiwei de jong ka Ri Khasi, Jaintia bad Garo Hills.
Haba khatduh u la ong to ngin trei da ka jingkitkhlieh kaba skhem ban pynroi ia ka jingman bad ban tylli ban ioh ia ka jingkiew shaphrang, ban pynleit jingmut ban pynkhlain ia ka pule puthi, ka koit ka khiah ban pynneh ia ka riti ka dustur ba kyrpang bad ka jingitynnad jong ka mariang ha Meghalaya.
“Khublei shibun ia ka jingpdiangsngewbha jong phi, to ngin kyrmen bad iaid shaphrang ban iohi jngai na ka bynta ka lawei ba phyrnai ia ka jylla Meghalaya ha ka jingshai jong ka riti synshar ba itynnad ba la ai da u B.R Ambedkar” Ong u Lat ba thymmai ka Meghalaya u ChandraSekhar H Vijayashankar.
