Ka Myntri ka Tnad Pla tyngka ka Sorkar Pdeng ka Nirmala Sitharaman haba wanrah ia ka mang tyngka 2024 jong ka Sorkar Pdeng ka la pynbna ban shna haduh 3 klur tylli ki ïing hapoh ka PM Awas Yojana ha ki jaka nongkyndong bad ki jaka sor.
Ka la ong ruh ba hapoh ka PM Awas Yojana la pynbeit ia ki jingdonkam ïing sah na bynta 1 klur ngut ki longïing kiba duna jingioh bad kiba pdeng ka jingioh lyngba ka jingbei pisa kaba 10 lac klur.
Kane ka kynthup ia ka jingiarap pisa kaba 2.2 lak klur na ka Sorkar pdeng ha kine ki 5 snem ban wan. La thmu ruh ban pynbiang ia ka subsidy ha ka sut ban plie lad ia ka jingshim ram ha ka dor ba jem.