U Symbud Myntri Rangbah ka jylla u Bah Prestone Tynsong mynta ka sngi haba kren bad ki nongthoh khubor u la kyrpad ia ki Nongdie madan ban iatreilang bad ban weng ia ki jingeh kiba ki ia kynduh ha ka Komiti, bad ka komiti kan sa leh ia ka kamram.
Shuh shuh u la bynrap ka sorkar kam bret ia ki namar ki sngewthuh ia ka kamai kajih jong ki paidbah ka jylla hynrei kat kum ba shong ka aiñ ka sorkar ka bud ryntih ia ka.
U bah Prestone u la ong ruh ba kaei kaba ka sorkar ka leh ka dei na ka bynta ka jingbha jong ki, “Phin ym lap ka sorkar kaba shim khia na ka bynta ki nongshong die madan ha kaba ka sorkar kan ai 10 hajar sha ki kum ka bai seng bad ruh kan ai 2 hajar tyngka shibnai na ka bynta san bnai, kum ka jingkyrshan ia kito ki nongdie kiba leit kynriah sha ka jaka ba la buh da ka sorkar”, ong u bah Prestone.
