Na ka daw jong ka jingdon ka General Elections sha ka Khasi Hills Autonomous District Council (KHADC) 2025, ka Deputy Commissioner (Excise), East Khasi Hills District kala pynbna sngi tyrkhong kyiad ha baroh ki bynta jong District ha ka 21 tarik u Rymphang (February), 2025 kaba dei ka sngi thep vote bad ha ka 24 tarik Rymphang, 2025 kaba dei ka sngi niew vote.
Kumta la bthah ia baroh ki jaka die kyiad ba kynthup ia ki bonded warehouses, micro-breweries, IMFL ‘OFF’ and ‘ON’ shops, home-made wine licensed premises, wine & beer bars, home delivery licensed premises, canteens bad ki out-stills ba ki dei ban khang lut baroh ha kitei ki sngi ba la kdew haneng.