U Deputy Commissioner ka East Jaintia Hills District, Khliehriat ula pynbna paidbah ba katkum ka jingmit na ka jingtes ia ki sniang ba don ha ka shnong Umshorshor ha ka 13.4.2022 ba la leh da ka North Eastern Disease Diagnostic Laboratory, Animal Husbandry & Veterinary Department, Khanapara, Guwahati, kala pynthikna ba ka jingpang khlam ki sniang ia kaba la tip kum ka African Swine Fever kala don hapoh ka jylla Meghalaya bad ka tynrai jong kane ka jingpang ka wan na ka shnong Umshorshor kaba hap hapoh ka Umsning Block R-Bhoi District. Kumta na ka liang jong u Lat ka jylla ula pynbna Epicentre ia ka shnong Umshorshor shipor katba ym pat pynbna da kawei pat ka hukum.
Kum shi bynta ban iada na kane ka jingpang ki sniang ka sorkar kala pynmih ia ki jingbthah bad jingmana ia ki paidbah. Ka sorkar kala buh ba ki shnong ba marjan kiba hap hapoh ka 1 Km radius na ka Epdicentre la pynhap ia ki hapoh ka Infercted Zone bad ia ki shnong kiba hap hapoh ka 10 Km na katei ka shnong ba jia kane ka jingpang yn niew ia ki kum ki Surveillance Zone.
Ha kaba iadei bad kane ka sorkar kala khang ia ka jingiadie ne iathied ia ki sniang im lane ka doh sniang na kitei ki bynta ba hap hapoh ka jingbuhdak jong ka sorkar.
Na ka liang ka sorkar kala bthah ia baroh ki nongri sniang ba ki dei ban long kiba leh khuid bad kiba sumar bha ia ki sniang da kaba ai dawai man la ka por, khnang ban lait na kane ka jingpang khlam ki sniang.