Ka Meghalaya Bharat Scouts & Guides, West Jaintia Hills District kum shibynta ban pyni ia ka jinglah bad jingtbit jong ki khynnah Scouts & Guides ha ki rukom bapher bapher, ha kane ka 26.10.2021, ka la pynlong ia ka Rajya Puraskar Testing Camp ha District Headquarter, Jowai.
Kane ka Testing Camp ka long kawei na ki rukom badei ban leh ne pyndep man la u snem da ki bor pyniaid jong ka Scouts-Guides Movement ba don ha kylleng ki Jylla ka Ri India bad lyngba kum kine ki Testing Camp ki bor pyniaid ki lah ban tip ia ka jinglah bad jingtbit jong ki khynnah na ka bynta ba kin lah ban pynkup ha ki ia ki kyrdan kiba la tip kum Ka Rajya Puraskar Award ne Governor Award bad Rashtrapati Award ne President Award.
Ha kane ka Testing Camp mynta u snem ladon kumba 14 ngut ki khynnah kynthup 5 ngut ki Scouts bad 9 ngut ki Guides na ki ar tylli ki skul ba kynthup ia ka Church of God Secondary School, Ummulong bad ka Marian Hills Higher Secondary School, Jowai bad ia kane ka Testing Camp la shimti ban peit bad pyniaid da ki briew ka Meghalaya Bharat Scouts & Guides, State Headquarter Shillong kiba kynthup ia u Benharmaryo Myrthong, State Organising Commissioner Scouts, u Khrawkupar Iawphniaw, Staff State Headquarter Shillong, ka Catherine Nongkseh, State Organisng Commissioner Guides bad ka Matilda Lyngdoh, Assistant State Training Commissioner Guides ha ryngkat ka jingiadonlang ka Siami Shylla, District Organiser Guides, u Elvis Dkhar, District Organiser Scouts, u Ohiwot Laloo, District Secretary MBS&G West Jaintia Hills, u Teiborlang Rymbai, Scouts Master, ka Niwan Khynriam, Guide Captain Church of God Secondary School, Ummulong,bad ka Grecarisa Sana, Guide Captain, Lissi Pearl Secondary School, Mukhla.
