Ki 49 ngut ki samla ba kynthup Shynrang bad Kynthei kila lah ban pyndep ia ka jingshah hikai (Training) kaba 45 sngi halor ka kam Security Guards ia ka ba la pynlong ha ka jaka ai Training jong ka Tornado Security Agency kaba don ha Iooksi Umdeinlin, West Jaiñtia Hills District.
Kine ki 49 ngut ki dei ki Batch ba lai (3rd Batch) kiba wan na ki shnong kiba pher ki ba pher kiba don hapoh jylla Meghalaya. Ia ka training la pyniaid da u P. Muksor Camp Commander & Training Incharge ka ba don ha IOOKSI UMDEINLIN Sub-Centre Tornado Security Agency ha kaba la pynkut ia ka ha 11/05/2023.
Ha kane ka jingpyndep la don lang ka kong C. Lyngdoh ka ba long ka DSP jong ka West Jaintia Hills District, kaba long ruh ka Kongsan ha kane ka sngi bad u symbud Kongsan ma Fernando Sumer. Ia kane ka passing out parade la ai jingpynbam smai da u Rev. N.K. Syngkli.
Na ka liang ka Kongsan ka la ai ia ka jingkitbok kit rwiang ia ki ba pyniaid ia kane ka Training Centre namar ka long kum ka shlem jingiarap ia ki khynnah samla namar ha kine ki sngi ba mynta ka long kaba eh ia ki khun samla ban ioh kam ioh jam ha ki Department bapher bapher, kumta lyngba kane ka training ka iarap shibun ia kiba wan ban ioh jinghikai na kane ka Security Agency.
Na ka liang u ma P. Muksor u la ong ba ka long kaei kaei kaba ioh mynsiem ha ka jingwan ban donlang jong ka Madam C. Lyngdoh bad kumjuh ruh ia ki kmie ki kpa jong ki khynnah kiba wan ban ia shim bynta lang ha kane ka sngi. Kumjuh ruh u ma Muksor u la ong ia ki khynnah samla ba lada ki khun samla ki don shisha ka mynsiem wat juh duh jingkyrmen kumba ong ka ktien u Blei Mathaios:7-7 “To pan, te yn sa ai ha phi, To wad te phin sa shem, To tied te ynsa plie ia phi”.