Ka lympung ialehkai football kaba la tip kum ka 30th Gold Knockout Football Tournament kaba la pynlong da ka Wapungskur Sports & Social Welfare Organisation (WSSWO) kaba don ha ka shnong Wapung skur East Jaiñtia Hills District, kala poi noh sha kaba kut ha kane ka 29,11.2024, ha kaba u symbud myntrti ka sorkar jylla u ma Sniawbhalang Dhar u ryngkat ka jingiadonlang u Local MDC u ma Phasmon Dkhar, DC, SP EJHD bad kiwei la pynhap pyrda ia kane ka lympung.
Ha kaba ha jingialehkai phainal ha kane ka lympung ka long hapdeng ka Rymbai Skhenshynriah SC pyrchah ia ka Kynsai Stream Fensing FT, ha kaba ka Rymbai Skhenshynriah SC kala pynliem ia ka Kynsai Stream Fensing Stream da 2-0, bad kane ka long ka sien kaba lai ia Rymbai Skhenshynriah ban ioh rah ia ka namlah duh ha kane ka lympung.
U ma Sniawbha ha kane ka sngi haba kren u la kular ruh ban ai jingiarap haduh 20 lak tyngka sha ka WSSWO, na ka bynta ban shna ia ka Dressing Room katba u MDC ka thaiñ u ma Phasmon u la kular ban iatreilang bad u ma Sniawbhalang na ka bynta ban siang ia u Artificial Turf ha kani ka Mandan ialehkai ka WSSWO.
La sam ia ki khusnam sha ka lahduh da ka pisa kaba 5 lak tyngka sha ka lahduh ka Rymbai Skhenshynriah SC ryngkat ka Ksiar shiteng tola bad 3 lak tyngka sha ka kynhun kba sha rem.