Kum ka jingiashim bynta ha ka jingrakhe ia ka jingioh laitluid ka ri ne ka Azadi Ka Amrit Mahotsav 2023 ka tnat Pulit jong ka 4th BN MLP kila iashim bynta ha ka Har Ghar Tiranga da kaba kila pynieng ne pynher ia ka Lama Lai Rong jong ka Ri kaba heh duh hapoh ka District West Khasi Hills.
Ia kane ka Lama Lai Rong la pynher mynta ka sngi (14/08/23) ha ka por 10:00 AM, ha Headquarter jong ka 4th BN MLP ha Sohpian, West Khasi Hill District. Kane ka Lama ka don ia ka jingheh kaba 3 metar la 2 metar bad la pynieng ia ka ha ka jingjrong kaba 10 metar.
Hadien ka jingpynher ia kane ka Lama kaba hehduh na ka liang ki Pulit ka 4th BN MLP kila pynlong ruh ia ka jingsam ia ki Lama ka ri sha ki paidbah kiba dei iaid lynti najan jong kane ka Headquarter jong ki.
