Ka Khasi Students’ Union (KSU) Warmawsaw Unit ha ka 18 tarik jylliew 2025 ki la ioh bat ia ki bar jylla ki ba mut ban wan trei sha ki thaiñ Patharkhmah lyngba ka surok Bakhlapara Warmawsaw sha Patharkhmah.
Ha ka jingtohkit ia kitei ki bar jylla la lap ba tang uwei ruh u bar jylla um don satia ia ki kot ki sla kiba biang kum ka Labour’s license bad Police verification na ka jaka ba ki wan.
Naka liang ka seng ha ka jingialam u Samla Receive Pator, President bad Assistant General Secretary u Samla Roki Lyngdoh mar mar ki la phah leit phai noh ia kitei ki Bar Jylla sha jaka ba ki wan.
Ka seng ka maham jur ia ki briew kiba donkti ban wan ialam ia ki bar jylla khlem da pynbiang ia ki kot ki sla kiba biang bad lada ka seng ka lap kan leh da kaba tyngeh, kane ka long katkum ka kyrwoh na u Samla Receive Pator, President KSU Warmawsaw Unit.
