Ia ka Republic Day la rakhe ruh ha Amlarem Civil Sub-Division kaba dei ka Headquarter jong kane ka Sub-Division, ha kaba u ma Lahkmen Rymbui u ba dei u Chief Advisor sha ka sorkar ula pynher ia ka lama ka ri bad shim ruh ia ka Rashtriya salute ha ryngkat ka National Anthem ba la lamkhmat da ka Riwar Jaintia Church of God SS, Ladjaplem, ha madan ialekai jong ka Amlarem Govt. Primary School, Amlarem.
Ha Amlarem kila don 7 tylli ki kynhun ba parad kiba kynthup ia ka tnat Pulit bad ki 6 tylli ki skul. La don ruh ka jingpyni ia ki Tableau da ki 8 tylli ki tnat sorkar.
Ka kynhun kaba jop ha kane ka parade ka dei ka Syiem Jingsuk Hr. Sec. School, Amlarem bad kaba wan ba ar ka dei ka Amlarem Secondary School.
La sam ruh ia ka Certificate sha u ma Dapki Shylla u BLO jong ka 4-Iongnoh uba la ioh ruh ia ka State award ha kane ka kam jong u.
Kila don ruh ki jingrwai bad ki jingshad tynrai ba la iashim bynta da ki khynnah skul jong ka thaiñ.
Hapoh Hima Shangpung jong ka Laskeiñ C&RD Block la wan ban pynher ia ka lama ka ri bad shim ia ka Rashtriya Salute da u ma Wailadmiki Shylla uba dei u MLA jong ka 2-Jowai, ha ka jingrakhe kaba la pynlong ha madan Hula, Moosyiem, ha shnong Shangpung.
