Ka jingdon kawei ka pla ïong ha khmat khyrdop State Bank of India ka la pynher syrngiew ia ki ba bun ki paidbah ha nongbah Shillong ha ka janmiet jong ka 24 tarik Naiwieng 2025.
Halor ka jingioh jingtip ba don ka pla īong ba suba buh bomb hakhmat ka khyrdop jong ka State Bank of India Khyndailad, ki Pulit ki la poi ha katei ka jaka bad ki la ker kut ia katei ka jaka bad ki la pynsangeh ia ki kali ban iaid ha katei ka jaka bad kumjuh ia ki paidbah kiba iaid lynti ha katei ka jaka.
Hadien kane la wan poi sha ka kynhun Bomb Squad ban peit bniah ia katei ka pla bad hadien ka jingpeit bniah jong ka kynhun Bomb Squad ki la lap ba don tang ki jain ha ka pla ïong ba don ha katei ka khyrdop State Bank of India.
Hadien ka jinglap bym don ei ei ha katei ka pla ki Pulit ki la pyllait noh ia ki paidbah bad ki kali kiba don ha katei ka thain ban iaid lynti.
