Ka Seiñ Kur Dkhar Wapung Circle haka 28 tarik u Nohprah 2024 ka la ioh ban pynkha sa kawei ka shnat treikam ka jong ka ha ka shnong Iongkaluh kaba don ha East Jaiñtia Hills District. Ha kane ka sngi ka Seiñ Kur Dkhar ka la ioh ruh ban sam khusnam bad ithuh ia ki samla ka kur kiba pass bha sha khmat bad kiba shah pynkup burom ki don haduh 36 ngut na kylleng ki shnong kiba hap hapoh ka jingkhmih ka Seiñ Kur Dkhar Wapung Circle.
Ha kane ka sngi la sdang iaka lympung da ki kyntien na u President ka Seiñ Kur Dkhar Wapung Circle u Ma Shaniahskhem Dkhar bud sa ki kyntien pdiang na u Ma Besterwell Dkhar. La ioh ruh iaka kaiphod treikam ka seng na u Ma Kyrshan Dkhar General Secretary ka Seiñ Kur Dkhar Wapung Circle.
Shuh shuh la pynshngaiñ ha kane ka sngi da u Ma Justine Dkhar uba long u nongaibuit ka Seiñ Kur Dkhar East Jaintia Hills District Unit bad uba ju long ruh u local MLA ka Khliehriat constituency, la don lang ha kane ka sngi naduh u MDC ka Musniang Rngad Constituency Ma Phasmon Dkhar, u President ka Seiñ Kur Dkhar Central body Ma Harwis Dkhar, u Ma Hamjhan Dkhar General Secretary ka Seiñ Kur Dkhar Central body.
Ia ka bynta ban pyntian smai iaki dkhot ba thymmai ka Seiñ Kur Dkhar Iongkaluh Unit la shim da u Ma Teras Dkhar President ka Seiñ Kur Dkhar East Jaiñtia Hills District Unit. La ioh ia ka jingkren na u Ma Roitre Dkhar President Seiñ Kur Dkhar Iongkaluh Unit bad ki kyntien khublei na ka kong Rosila Dkhar.
